"Manchester Yunayted"ning hammuallifi Jim Retkliff klubdagi ulushini 27,7 foizdan 28,94 foizga oshirish uchun klubga 79 million funt (95 million yevro) sarmoya kiritdi. Bu haqda Daily Mail xabar bermoqda.

Manbaga ko‘ra, bu mablag‘ yangi futbolchilarni sotib olishga sarflanmaydi. Retkliff tomonidan investisiya qilingan pullar "Manchester Yunayted" infratuzilmasini rivojlantirishga yo‘naltiriladi.

Ta’kidlanishicha, Retkliff ulushi 28,94 foizga ko‘payganiga qaramay, Gleyzerlar oilasi hamon ingliz klubining nazorat paketiga egalik qiladi.