Poytaxtimizda O‘zbekiston polo federasiyasining navbatdan tashqari konferensiyasi o‘tkazildi.

Yig‘ilishda dastlab, mamlakatimiz Polo federasiyasining 2024 yilgi faoliyati, polo sport turi bo‘yicha o‘tkazilgan musobaqalar, mazkur sport turini yurtimizda yanada ommalashtirish borasida amalga oshirilgan ishlar va kelgusi rejalar haqida ma’lumot berildi.

Polo sport turini rivojlantirish, xalqaro musobaqalarda ishtirok etish va ularda chavandozlarimizga qulay sharoitlar yaratish maqsadida “Koç Construction” kompaniyasi bilan hamkorlik o‘rnatilgan.

Konferensiyada polo federasiyasining rais o‘rinbosarlari saylandi. Unga ko‘ra, Chilonzor tumani hokimi Saidahror Xolxo‘jayev O‘zbekistan polo federasiyasi raisining birinchi o‘rinbosarligiga saylandi.

“Koç Construction” kompaniyasi direktorlar kengashi a’zosi Omer Sarikoch, Toshkent shahar kengashi deputati Sevara Fayziyeva "Markaziy Ippodrom" AJ direktori Shuhrat Latipov federasiyasi raisi o‘rinbosari lavozimiga nomzodlari qo‘yilda va ular bir ovozdan ma’qullandi.