"Fenerbaxche" so‘nggi to‘rtta o‘yinning faqat bittasida g‘alaba qozongan.
Joze Mourinyo shogirdlari bugun Turkiya chempionatining 17-turida "Eyupspor" bilan (1:1) ochko bo‘lishdi.
7 dekabrdan beri "Beshiktosh" (0:1) va "Atletik"ga (0:2) ham mag‘lub bo‘ldi va "Istanbul"ni (3:1) mag‘lub etdi.
Turkiya ligasida "Fenerbaxche" peshqadam "Galatasaroy"dan 5 ochko ortda qolib, ikkinchi o‘rinda bormoqda.
E’tiborlisi, Mourinyo shogirdlari hozircha kuchli oltilikdagi klublar ustidan birorta ham g‘alaba qozona olmagan. "Galatasaroy" va "Beshiktosh"ga yutqazib, "Samsunspor", "Eyupspor" va "Go‘ztepe" bilan durang o‘ynadi.
