“Manchester Yunayted” Amad Diallo bilan yangi shartnoma imzolashga tayyor.

Ma’lum qilinishicha, hozirda tomonlar bitimning yakuniy qismlarini kelishib olinmoqda.

Dialoning klub bilan amaldagi shartnomasi 2025 yilning iyunida tugashi belgilangan. Shu bilan birga, joriy shartnomada futbolchi va klub o‘rtasidagi kelishuvni 2026 yilgacha uzaytirish imkoniyati ham bor edi.

Shunga qaramay tomonlar 2028 yilgacha bo‘lgan yangi shartnoma tuzishga yaqin.

Ma’lumot uchun, 22 yoshli futbolchi manchesterliklar safida joriy mavsumda 18 ta o‘yinda 3 ta gol urib, 6 ta golli uzatma muallifi bo‘lgan.