Yarim himoyachi Xames Rodriges faoliyatini Yevropadan tashqarida davom ettiradi.
Kolumbiyalik futbolchi hech qachon o‘zini ko‘rsata olmagan Madridning "Rayo Valyekano" klubi bilan hamkorligini tez orada tugatadi. Xamesning yangi klubi Meksikaning "Leon"i bo‘ladi. Tomonlar shartnoma shartlarini kelishib olishgan.
Xames Rodriges o‘tgan yilning avgust oyida "Rayo Valyekano"ga o‘tgan edi. 33 yoshli futbolchi La Liga jamoasi safida bor yo‘g‘i 7 ta o‘yinda maydonga tushib, bitta golli uzatmani amalga oshirdi.













