"Milan" bosh murabbiyi Serjiu Konseysau "Kalyari"ga qarshi o‘yinda (1:1) jamoaning harakatlaridan mamnun emasdi.
"Rossonerilar" 51-daqiqada oldinga chiqib olishdi, ammo mehmonlar deyarli darhol hisobni tenglashtirishga muvaffaq bo‘lishdi. Qolgan vaqt davomida tomoshabinlar gol ko‘rishmadi.
"Men har jihatdan ko‘proq narsani kutgandim. Ixtiyorimda bo‘lgan jamoalar sifatini hisobga olsak, bugungi birinchi bo‘lim 13 yillik murabbiylik faoliyatimdagi eng yomoni bo‘lsa kerak. Bizga kuch yetishmadi, juda sekin o‘ynadik. Biz bo‘sh joy topish uchun rejaga amal qilishimiz kerak edi, lekin biz yetarlicha harakat qilmadik.
Ikkinchi bo‘lim yaxshiroq o‘tdi, biz 25 ta zarba berdik. Bu bahona emas, lekin raqib vaqtni cho‘zishga harakat qildi. Hakam ko‘proq qo‘shimcha daqiqa qo‘shishi kerak edi", dedi Konseysau Sky Sport nashriga.













