Yaqinda Angliya premyer-ligasida Fikayo Tomori xizmatlariga da’vogar Londonning “Tottenxem” klubi borligi haqida xabar bergan edik.
Lekin, aslida, endi yana bir ingliz klubi ham Tomoriga da’vogarlik qilayotgani ma’lum bo‘ldi.
Gap "Nyukasl" haqida ketmoqda. "Nyukasl" bosh murabbiyi Eddi Xauning fikricha, Tomori uning o‘yin tizimiga mos keladi. Shu bilan birga, mavsum oxiriga kelib bu masalaga oydinlik kiritiladi.
Chunki «Milan»ning sobiq murabbiyi Paulo Fonseka qo‘l ostida zaxirada o‘tirgan Tomoriga endi yangi murabbiy qo‘l ostida yangi imkoniyatlar berilishi mumkin, deb xabar beradi Football Insider.
