"Barselona" darvozaboni Voysex Shesni jamoaning bo‘lajak o‘yinlarida ishtirok etishi mumkin.
34 yoshli darvozabon yakshanba kuni bo‘lib o‘tgan Ispaniya Superkubogi finalida "Real"ga (5:2) qarshi o‘yinning 56-daqiqasida maydondan chetlatilgan edi. Biroq, "Mundo Deportivo" xabariga ko‘ra, Shesni "ko‘k-anorranglilar"ga yaqinlashib kelayotgan La Liga va Qirol kubogi o‘yinlarida yordam bera oladi. Diskvalifikasiya faqat Superkubok uchun amal qiladi.
15 yanvar kuni "Barselona" o‘z maydonida "Betis"ga qarshi Ispaniya kubogi doirasida o‘ynaydi, uch kundan keyin esa milliy chempionat doirasida "Xetafe" mehmoni bo‘ladi.
