"Manchester Siti" bosh murabbiyi Pep Gvardiola himoyachi Jon Stounsning tiklanish jarayoni haqida gapirdi.
"Men u bilan gaplashdim, Jon o‘zini yaxshi his qilmoqda. Biz u maydonga qaytganida jarohati qaytalanmasliga ishonch hosil qilish uchun kutamiz. Unga oson emas, u maydonga qaytish uchun harakat qilmoqda. Men undan "Aston Villa"ga qarshi o‘yinda qaytib kelib, bizga yordam berishini so‘radim, lekin yakunda u 45 daqiqadan ko‘proq o‘ynay olmadi – bu yaxshi emas. U har uch kunda maydonga tusha olishi uchun to‘liq tiklanishi kerak", - deya Gvardiolaning so‘zlarini keltiradi klub matbuot xizmati.
30 yoshli Stouns joriy mavsum "Manchester Siti" safida 12 ta o‘yinda maydonga tushdi va 3 ta gol urdi.
