Ivan Rakitich o‘z vaqtida "Barselona"da unga motivasiya yetishmaganini aytdi.
- 2014/15 yilgi mavsumda treblni qo‘lga kiritganingizdan so‘ng, faoliyatingizda yana bir nechta Chempionlar ligasi unvonlarini qo‘ldan boy berayotganingizni ochiq tan oldingiz. Nima xato ketdi?
- Futbol juda tez sur’atda o‘tadigan sport turi va agar muhim daqiqalarda siz 100 foiz tayyor bo‘lmasangiz... Men har doim bir xil narsani aytaman, juda hurmat bilan, lekin natijaga erishish uchun bizga bu "plyus" yetishmayotgandi. Biz darajani hatto 1 foizga ham tushira olmaymiz. "Real Madrid" buning ustasi va bu tasodif emas.
Saviyaga kelsak, menimcha, biz ko‘p yillardan buyon yaqqol yaxshiroq jamoa bo‘lib kelganmiz, ammo bu ustunlikdan to‘g‘ri foydalana olmadik. Futbol olamidagi ko‘p odamlar xuddi shunday fikrda. Boshqalar ozmi-ko‘pmi bunga loyiq edi, demayman. Bu umuman bog‘liq emas. Men faqat "Barselona" haqida gapiryapman. O‘ylaymanki, biz bundan ko‘proq foyda olishimiz mumkin edi va bu biz uchun juda afsuslanarli.
- Chunki Rakitich uchun uning "Barselona"si Gvardiola jamoasidan ham yaxshiroq.
- Har bir davrda ajoyib jamoalar bo‘ladi va menimcha, biz Chempionlar ligasida raqiblarimizdan ancha kuchliroq g‘alaba qozonganmiz. Va keyin, menimcha, bizni ko‘proq intilishga "itarib yuboradigan" odam yetishmadi. O‘ylaymanki, shu ma’noda o‘sha yili Xavi bizda qolishi muhim edi. Keyin u ketdi va balki kiyinish xonasida bizga kuchli yetakchi yetishmay qoldi. Bu tafsilotlar juda muhim, chunki, mening fikrimcha, bu jamoa tarixdagi eng yaxshi jamoa edi", - dedi "Barselona"ning sobiq yarim himoyachisi.
