Qilichbozlikning shpaga yo‘nalishi bo‘yicha O‘zbekiston yoshlar terma jamoasi Bahrayda o‘tgan Jahon kubogida ishtirok etishi haqida ma’lum qilgan edik.
Hamyurtlarimiz mazkur musobaqada bronza medaliga sazovor bo‘lishdi.
Ushbu muvaffaqiyatga jamoaviy yo‘nalishda qatnashgan qizlarimiz erishdilar. Yarim finalgacha yetib borgan qilichbozlarimiz final ostonasida turkiyalik raqibalariga imkoniyatni boy berishdi.
Uchinchi o‘rin uchun kurashda esa Qozog‘iston termasi 45:24 hisobida mag‘lub etildi. Bellashuvlarda Aziza Hamidova, Sanam Nazarova hamda Dilnaz Murzatayeva yurtimiz sharafini himoya qilishdi.
