Dam olish kunlari "Manchester Yunayted" yana muvaffaqiyatsizlikka uchradi - Ruben Amorim jamoasi o‘z maydonida "Brayton"ga 1:3 hisobida mag‘lub bo‘ldi. «Transfer News Live»ning «UTD Maneca»ga asoslanib xabar berishicha, o‘yindan so‘ng Amorim g‘azabga mingan va futbolchilarga qattiq tanbeh bergan. Kiyinish xonasida hatto stollar ag‘darilgan va stullar uchirilgan. Har bir o‘yinchiga "yo o‘zini tuzatishi, yo esa yo‘qolishi" kerakligi uqtirilgan.
"Manchester Yunayted" hozirda Angliya Premyer-ligasi turnir jadvalida atigi 13-o‘rinni egallab turibdi. Ruben Amorim jamoasi navbatdagi o‘yinini 23 yanvar, payshanba kuni Yevropa ligasining yettinchi turida o‘z maydonida "Reynjers"ga qarshi o‘tkazadi.