Saudiya Arabistonining “Al-Ahli” klubi “Real”ning braziliyalik vingeri Vinisius Juniorning transferiga qiziqish bildirmoqda.
Bu haqda Give me Sport nashri xabar bermoqda. Ular ushbu transferga yozda urinib ko‘rishlari mumkin.
Manbaning xabariga ko‘ra, arab klubi rahbariyati Vinisiusni joriy mavsum yakunida shartnoma imzolash uchun asosiy maqsad deb hisoblamoqda va u uchun 296 million funt sterling (taxminan 350 million yevro) taklif qilishga tayyor.
Eslatib o‘tamiz, Vinisius "Los-Blankos"ga 2018 yilning iyul oyida kelib qo‘shilgan edi.
