"Lasio" klubining ashaddiy fanatlari "Real Sosyedad" muxlislariga hujum qilishdi.
Jamoalarning Yevropa ligasidagi o‘yinidan bir kun oldin shahar markazida muxlislar o‘rtasida to‘qnashuv sodir bo‘ldi. "Real Sosyedad"ning 70 ga yaqin muxlislari guruhiga "Lasio"ning 80 ga yaqin muxlislari hujum qilishdi.
Polisiya yetib kelganida hujumchilar qochib ketishgan. Voqea joyidan bolg‘a, pichoq, zanjir, kalitlar va turli turdagi armatura topilgan.
To‘qqiz kishi jarohatlangan. Uch nafar muxlis pichoqlangan, ammo ularning hayoti xavf ostida emas.
Bir necha hujumchilarning shaxsi aniqlanib, tergov harakatlari olib borilmoqda.
