"Лацио" клубининг ашаддий фанатлари "Реал Сосьедад" мухлисларига ҳужум қилишди.
Жамоаларнинг Европа лигасидаги ўйинидан бир кун олдин шаҳар марказида мухлислар ўртасида тўқнашув содир бўлди. "Реал Сосьедад"нинг 70 га яқин мухлислари гуруҳига "Лацио"нинг 80 га яқин мухлислари ҳужум қилишди.
Полиция етиб келганида ҳужумчилар қочиб кетишган. Воқеа жойидан болға, пичоқ, занжир, калитлар ва турли турдаги арматура топилган.
Тўққиз киши жароҳатланган. Уч нафар мухлис пичоқланган, аммо уларнинг ҳаёти хавф остида эмас.
Бир неча ҳужумчиларнинг шахси аниқланиб, тергов ҳаракатлари олиб борилмоқда.
