Germaniya futbol assosiasiyasi prezidenti Bernd Noyendorf tashkilot nega Germaniya terma jamoasi bosh murabbiyi Yulian Nagelsmann bilan shartnomani uzaytirishga qaror qilganini tushuntirdi.
"Yulian Nagelsmanning shartnomasini uzaytirish, ayniqsa assosiasiyamizning 125 yilligi munosabati bilan juda muhim signaldir. Bu o‘tmishda qo‘lga kiritilgan yutuqlar bilan cheklanib qolmay, yangi yutuqlar ustida ishlayotganimizni ko‘rsatadi", dedi Noyendorf.
37 yoshli Nagelsmann 2023 yilning sentyabrida Germaniya terma jamoasi bosh murabbiyi lavozimini egallagan.













