"Lechche" bosh murabbiyi Marko Jampaolo Patrik Dorguning "Manchester Yunayted"ga o‘tishi haqidagi savolga javob berdi.
20 yoshli ko‘p qirrali futbolchi "qizil iblislar"ning qishki transfer oynasidagi asosiy maqsadlaridan biri hisoblanadi.
Mavjud ma’lumotlarga ko‘ra, ingliz grandi daniyalik uchun taxminan 30 million yevro to‘lashga tayyor, ammo "Lechche" bundan ham jiddiyroq tovon puliga umid qilmoqda.
Futbolchining o‘zi "mankunianliklar" safiga qo‘shilishni istaydi.
"Evropaning yetakchi klublari uni o‘z safiga qo‘shib olmoqchi. Bu qandaydir ta’sir qilishi mumkin va bu yaxshi, lekin Patrik yetuk va jiddiy yigit.
Transfer xabarlari bizga hech qanday muammo tug‘dirmaydi deb o‘ylayman. U bu hafta ajoyib ish qildi", – dedi murabbiy.
