"Milan" hujumchisi Alvaro Morata mavsum oxirigacha ijara asosida "Galatasaroy"ga o‘tdi. Bu haqda Marca nashri xabar bermoqda.

Manbaning xabariga ko‘ra, shartnomada futbolchini 15 million yevroga sotib olishning majburiy varianti borligi qayd etilgan. Morataning maoshi oyiga 900 000 yevro bo‘ladi, xuddi "Napoli"dan "Galatasaroy"ga ijaraga olingan Viktor Osimxen kabi.

32 yoshli Morata o‘tgan yozda "Atletiko Madrid"dan Italiya grandiga o‘tgan edi. Joriy mavsumda u barcha turnirlarda 25 ta o‘yin o‘tkazib, 6 ta gol urdi va 2 ta golli uzatmani amalga oshirdi.