Londonning "Chelsi" klubi hujumchisi Kristofer Nkunku faoliyatini Germaniya chempionatida davom ettirishi mumkin. Bu haqda «Todofichajes» portali jurnalistlari xabar bermoqda.
Manbaga ko‘ra, 27 yoshli forvardni "Bavariya" o‘z safiga qo‘shib olmoqchi. Jamoa bosh murabbiyi Vensan Kompani fransiyalik futbolchi "Bavariya"ning hujumkor salohiyatini kuchaytira oladi, deb hisoblamoqda. Klub qishki transfer oynasi yopilgunga qadar Kristoferning transferini yakunlamoqchi. "Chelsi" esa o‘z navbatida 70 million yevro evaziga Nkunku bilan xayrlashishga tayyor.
