Xabaringiz bor, ertaga futzal bo‘yicha ayollar o‘rtasida CAFA musobaqasining dastlabki uchrashuvlari bo‘lib o‘tadi.

Bugun Tojikiston poytaxtidagi "The Rumi Hotel" mehmonxonasida terma jamoa rasmiylari ishtirokida o‘yindan avvalgi tadbirlar hamda bosh murabbiylar ishtirokida matbuot anjumani bo‘lib o‘tdi.

“Bu yerda tanish insonlarni, murabbiylar, do‘stlarimizni ko‘rish yoqimli. Musobaqaga yaxshi tayyorgarlik ko‘rdik. Yaqinda bo‘lib o‘tgan Osiyo Kubogi saralashi bilan solishtirganda tarkibimizda yangi futbolchilar bor va ular ham o‘zlarini maksimal ravishda ijobiy tomondan ko‘rsatishadi, degan umiddaman. Biz raqiblarni hurmat qilamiz, lekin hech kimdan qo‘rqmaymiz. Barchaga omad tilab qolaman”, - deb boshladi Farrux Zokirov.

"Shubhasiz, Eronga qarshi o‘yinlar biz uchun doimo foydali bo‘ladi. Ushbu jamoa nafaqat Markaziy Osiyoda balki butun qit’ada yetakchilardan hisoblanadi.

O‘zbekistonda yaqinda futzal federasiyasi tashkil etildi. Federasiya tomonidan futzal bo‘yicha turli turnirlarni o‘tkazish bo‘yicha ishlar olib borilmoqda. Albatta, terma jamoaga qizlarni chempionat orqali saralab olishmaqsadga muvofiq bo‘ladi".

Eron terma jamoasi ustozi: Mazkur musobaqada uch marotaba g‘alaba qozonganmiz va bu safar ham Dushanbe shahriga chempionlikni ko‘zlab keldik. Yana bir bor CAFA musobaqasi bosh sovrinini qo‘lga kiritmoqchimiz.

Shuningdek, Furuzan Sulaymoniy Osiyo Kubogi va shu kabi turnirlarda nafaqat Eron va O‘zbekiston balki boshqa jamoalar ham ishtirok etishini istashini aytib o‘tdi. Bundan tashqari Sulaymoni CAFA tashkilotchilari keyingi musobaqalarda qit’aning boshqa qismidan ham jamoalarni taklif qilishsa, yaxshi bo‘lishini aytib o‘tdi.

Ta’kidlash lozim, Turkmaniston terma jamoa bosh murabbiyi Kamil Mingazov va Qirg‘iz Respublikasi termasi bosh murabbiyi Erkin Junushaliyev O‘zbekiston va Eron terma jamoalarini Osiyo Kubogi final bosqichiga chiqqani bilan tabriklashdi.