"Aston Villa" bosh murabbiyi Unai Emeri Angliya kubogi 1/16 finalidan o‘rin olgan Londonning "Tottenxem" klubiga qarshi o‘yinda jamoaning yangi a’zolari Markus Reshford va Marko Asensio maydonga tushganidan keyin o‘z fikrlarini bildirib o‘tdi.

Eslatib o‘tamiz, birmingemliklar 2:1 hisobida g‘alaba qozonib, 1/8 finalga yo‘l olishgandi.

"Asensio va Reshford bilan so‘nggi 30 daqiqada o‘ynaganimiz juda yaxshi bo‘ldi, chunki biz yana ijod qilishimiz va jamoamizni qurishimiz, bugungi kabi natijalarga erishib, imkon qadar tezroq oldinga siljishimiz kerak," - deya ispaniyalik mutaxassisning so‘zlarini keltiradi "Aston Villa" matbuot xizmati.