Qirg‘iz Respublikasi terma jamoasi va “Istiqlol” hujumchisi Joel Kojo jarohat sabab kamida to‘rt hafta maydonga tusha olmaydi.
Kojo Eron chempionatida “Mes Rafsandjan”ga qarshi o‘yinda (0:0) jarohat oldi.
Klub shifokori:
“U maxsus tibbiy ko‘rikdan o‘tkazildi. Unga to‘rt hafta davomida o‘ynash taqiqlandi. Bu muddatdan keyin yana uning holatini baholaymiz va tayyor bo‘lsa, jamoa bilan mashg‘ulotlarga qaytadi.”
O‘zbekiston terma jamoasi va “Istiqlol” yarim himoyachisi Jaloliddin Masharipov ham jarohat tufayli safdan chiqib turibdi.
Klub shifokori:
“Masharipovga kerakli sport formasiga qaytish uchun hali uch hafta kerak.”
Har ikkala futbolchi ham klub uchun muhim hisoblangan OCHLdagi “Ar-Rayyan”ga qarshi hal qiluvchi bahsni o‘tkazib yuboradi.
Shuningdek, 20 mart kuni JCH-2026 saralashining 3-bosqich bahslari doirasida O‘zbekiston va Qirg‘iziston terma jamoalari o‘zaro to‘qnash keladi.
