"Chelsi" bosh murabbiyi Enso Mareskaning fikricha, jamoa qishki transfer oynasining so‘nggi kunida o‘ynamasligi kerak edi.
3-fevral oqshomida “ko‘klar” APL doirasida “Vest Xem”ga qarshi o‘yin o‘tkazdi va unda 2:1 hisobida g‘alaba qozondi.
Bu vaqtda Angliyada transfer oynasi yopilayotgandi. Ikkinchi bo‘lim boshida hujumchi Nikolas Jekson jarohat oldi va keyinroq ma’lum bo‘lishicha, u aprelgacha maydonga tusha olmaydi.
Senegallik futbolchining o‘rnini egallagan Mark Giu ham kasalxonaga yotqizildi. Shu tariqa londonliklar uzoq muddat hujumchilarsiz qolishdi.
"O‘ylaymanki, belgilangan muddatda o‘ynash mutlaqo noto‘g‘ri bo‘ldi. O‘yin 22:00da yakunlandi va transfer oynasi 23:00da yopildi.
Bir o‘yinda ikkita hujumchi jarohatini oldindan ko‘ra olmasdik", - deya Mareskaning so‘zlarini keltirmoqda Standard Sport.
