"Atalanta" hujumchisi Mateo Retegi Angliya Premyer-ligasining yana bir klubi qiziqishlari doirasiga tushib qoldi.
Avval xabar qilinganidek, 25 yoshli futbolchiga "Manchester Yunayted" va "Arsenal" da’vogarlik qilmoqda. CaughtOffside xabariga ko‘ra, italiyalik futbolchini "Aston Villa" ham o‘z safiga qo‘shib olmoqchi. Birmingemliklar esa nomdor raqiblar bilan hujumchi uchun bahsda g‘alaba qozonish uchun harakat qilishlariga to‘g‘ri keladi.
A Seriyaning joriy mavsumida 23 ta o‘yinda 20 ta gol urgan Mateo Retegi to‘purarlar ro‘yxatini boshqarib turibdi.













