O‘zbekiston Respublikasi Sport vazirligida ortda qolgan 2024 yilda O‘zbekiston milliy axborot agentligi, Fanlar akademiyasi Sharqshunoslik instituti, O‘zbekiston davlat jismoniy tarbiya va sport universiteti, O‘zbek jang san’ati, Bahodirlar o‘yinlari va tosh ko‘tarish, Bel olish va uch kurash, Belbog‘li kurash, Kurash va Turon yakkakurashi federasiyalari hamda O‘zbekiston etnosport assosiasiyasi rahbar va xodimlari ishtirokida o‘tkazilgan yig‘ilishda O‘zbekiston milliy sport turlari va xalq o‘yinlari to‘g‘risidagi Ensiklopediyaning ixchamlashtirilgan kitob shaklini ishlab chiqish masalasi ko‘rib chiqilgan edi.
Bundan asosiy maqsad, o‘sib kelayotgan yosh-avlodga milliy va etnosport turlariga oid aniq va ishonchli ma’lumotlar berish, milliy xalq o‘yinlariga qiziqishlarini oshirish deb belgilangan.
Bugun vazirlikda, Sport vaziri maslahatchisi Sharifjon Mo‘mindjanov va Vazir kotibiyati boshlig‘i Bobur Hamrayev rahbarligida ishchi guruh a’zolari bilan mazkur kitobning loyiha shakli ko‘rib chiqildi va mas’ullarga kitobni yanada takomillashtirish yuzasidan zarur takliflar berildi.
