Ўзбекистон Республикаси Спорт вазирлигида ортда қолган 2024 йилда Ўзбекистон миллий ахборот агентлиги, Фанлар академияси Шарқшунослик институти, Ўзбекистон давлат жисмоний тарбия ва спорт университети, Ўзбек жанг санъати, Баҳодирлар ўйинлари ва тош кўтариш, Бел олиш ва уч кураш, Белбоғли кураш, Кураш ва Турон яккакураши федерациялари ҳамда Ўзбекистон этноспорт ассоциацияси раҳбар ва ходимлари иштирокида ўтказилган йиғилишда Ўзбекистон миллий спорт турлари ва халқ ўйинлари тўғрисидаги Энциклопедиянинг ихчамлаштирилган китоб шаклини ишлаб чиқиш масаласи кўриб чиқилган эди.

Бундан асосий мақсад, ўсиб келаётган ёш-авлодга миллий ва этноспорт турларига оид аниқ ва ишончли маълумотлар бериш, миллий халқ ўйинларига қизиқишларини ошириш деб белгиланган.

Бугун вазирликда, Спорт вазири маслаҳатчиси Шарифжон Мўминджанов ва Вазир котибияти бошлиғи Бобур Ҳамраев раҳбарлигида ишчи гуруҳ аъзолари билан мазкур китобнинг лойиҳа шакли кўриб чиқилди ва масъулларга китобни янада такомиллаштириш юзасидан зарур таклифлар берилди.