O‘zbekiston U-20 terma jamoasi bosh murabbiyi Farhod Nishonov Eronga qarshi bahsdan so‘ng jurnalistlarning savollariga javob berib o‘tdi.
— Bugungi o‘yin haqida
— Bugun g‘alaba qozonmoqchi edik, biroq xatolarimiz tufayli mag‘lub bo‘ldik. Bir qator futbolchilarga dam berishga qaror qilgandik, shu sababli tarkibda o‘zgarishlar bo‘ldi. O‘yin natijasidan ko‘nglim to‘lmadi, bu o‘yinda g‘alaba qozonishni maqsad qilgandik.
— Chorak finaldagi raqibga tayyorgarlik haqida
— Keyingi bosqichda bizga kim raqib bo‘lishi ertaga ma’lum bo‘ladi. Ertaga raqibimiz kim bo‘lishini bilgach, shunga qarab reja bo‘yicha tayyorgarlik ko‘ramiz.
— O‘rinboyevning ikkinchi bo‘limda qo‘shilishi haqida
— O‘rinboyevda kichik jarohat bor edi va shu sababli asosiy tarkibda maydonga tushirmadik. Keyingi bosqichga qadar to‘liq tiklanishini reja qilgandik.
— Eron haqida
— Ularga omad tilayman, yaxshi jamoa. Biz kutgandek qarshilik ko‘rsatdi. O‘zining imkoniyatini kutdi va undan foydalandi.
