"PSJ" hujumchisi Xvicha Kvarasxeliya Chempionlar Ligasi pley-offining javob o‘yinida "Brest" ustidan qozonilgan g‘alabaga (7:0) munosabat bildirdi.
"Biz g‘alaba qozonishimiz mumkinligini ko‘rsatdik. Har bir o‘yinda maydonga tushib, g‘alaba uchun o‘ynaymiz. Shu ruhda davom etishimiz kerak, "Brest"ga yettita gol urish oson emas. Biz hamma narsa mumkinligini ko‘rsatmoqdamiz. Maqsadimiz - Chempionlar Ligasida g‘olib bo‘lish. Har bir o‘yinda g‘alaba uchun maydonga tushamiz. Ushbu turnirda g‘alaba qozonish uchun qo‘limizdan kelganini qilamiz," - deya Xvichaning so‘zlarini keltiradi UEFA matbuot xizmati.