"Manchester Siti" markaziy himoyachisi Ruben Diash jamoaning Chempionlar ligasida Madrid "Real"iga qarshi bellashuvdagi muvaffaqiyatsizligi haqida fikr bildirdi.
"Biz yetarlicha yaxshi o‘ynamadik, ammo oldinga intilishimiz lozim. Bizda yaxshilanish uchun imkoniyatlar bor.
Endi asosiy maqsadimiz - kelgusi mavsumda Chempionlar ligasiga yo‘llanma olish. Shuningdek, Angliya kubogi ham bor - bu turnirning qanchalik ahamiyatli ekanini hamma biladi. Biz sovrinlar qo‘lga kiritishni yaxshi ko‘ramiz va bunga erishishni xohlaymiz," - deya Diashning so‘zlarini keltiradi City Report.
