Armaniston Superkubogi doirasidagi “Pyunik” – “Ararat” uchrashuvi qoldirildi.
Armaniston futbol federasiyasi matbuot xizmati sababni kuchli qor yog‘ishi bilan izohladi.
Eslatib o‘tamiz, o‘yin Armaniston poytaxti Yerevan shahrida bo‘lib o‘tishi kerak edi.
Arena ishchilari kuchli yog‘ingarchilikdan keyin maydonni tozalay olmadi. Armaniston milliy chempionatining so‘nggi mavsumi yakunlariga ko‘ra, "Pyunik" mamlakat chempioni bo‘ldi. “Ararat” mamlakat kubogi sohibiga aylandi.













