"Manchester Siti" bosh murabbiyi Xosep Gvardiola yarim himoyachi Kevin de Bryuynening kelajagi mavzusiga izoh berdi. Belgiyalikning klub bilan amaldagi shartnomasi yozgacha mo‘ljallangan.
"De Bryuyne - ajoyib futbolchi. U shunday bo‘lgan va shunday bo‘lib qoladi. Nima bo‘lishi asosan uning o‘ziga va klubga bog‘liq," - dedi Gvardiola matbuot anjumanida jurnalistlarga.
Kevin de Bryuyne "Manchester Siti"da o‘ninchi mavsumini o‘tkazmoqda. Bu vaqt ichida belgiyalik 409 ta o‘yinda ishtirok etib, o‘z hisobiga 105 ta gol va 173 ta golli uzatmani yozdirib qo‘ygan.
