"Манчестер Сити" бош мураббийи Хосеп Гвардиола ярим ҳимоячи Кевин де Брюйненинг келажаги мавзусига изоҳ берди. Бельгияликнинг клуб билан амалдаги шартномаси ёзгача мўлжалланган.
"Де Брюйне - ажойиб футболчи. У шундай бўлган ва шундай бўлиб қолади. Нима бўлиши асосан унинг ўзига ва клубга боғлиқ," - деди Гвардиола матбуот анжуманида журналистларга.
Кевин де Брюйне "Манчестер Сити"да ўнинчи мавсумини ўтказмоқда. Бу вақт ичида бельгиялик 409 та ўйинда иштирок этиб, ўз ҳисобига 105 та гол ва 173 та голли узатмани ёздириб қўйган.













