Kirish Ro'yxatdan o'tish
02/04 00:00 Nottingem Forest 1-0 Man. Yunayted
02/04 19:30 Paxtakor 5-0 Mash’al
02/04 23:45 Brayton 0-3 Aston Villa
02/04 23:45 Sautgempton 1-1 Kristal Pelas
02/04 23:45 Manchester Siti 2-0 Lester
02/04 23:45 Nyukasl 2-1 Brentford
02/04 23:45 Bornmut 1-2 Ipsvich
03/04 00:00 Liverpul 1-0 Everton
03/04 20:00 O‘zbekiston - Tailand
03/04 22:15 Saudiya Arabistoni - Xitoy
04/04 00:00 Chelsi - Tottenhem
04/04 20:00 Avstraliya - Vyetnam
04/04 20:00 Janubiy Koreya - Indoneziya
04/04 22:15 Yaponiya - BAA
04/04 22:15 Yaman - Afg‘oniston
04/04 23:45 Jenoa - Udineze
05/04 00:00 Rayo Valyekano - Espanyol

Bektemir Abdumannonov: «Kubok Andijonga keladi va buni o‘zimizda saqlab qolishimiz kerak»

Bektemir Abdumannonov: «Kubok Andijonga keladi va buni o‘zimizda saqlab qolishimiz kerak»

Baho:
+ | -

2025 yilgi O‘zbekiston Kubogiga qur’a tashlandi. “Bobur arena” tarixda ilk bor mamlakat Kubogi finaliga mezbonlik qiladi. «Andijon» esa «B» guruhidan joy oldi.

Qolaversa, «Burgutlar» o‘tgan yili O‘zbekiston Kubogini yutgan va amaldagi g‘olibi sifatida musobaqada ishtirok etadi.

"Andijon"ning yetakchi futbolchilaridan biri Bektemir Abdumannonov klub matbuot xizmati uchun Kubok qur’asi haqida intervyu berdi.

— Yangi mavsumdagi O‘zbekiston Kubogiga qur’a tashlandi. Unga ko‘ra, «Andijon» «B» guruhida «Surxon» va «Dinamo»ga qarshi o‘ynaydi va yana bir raqib saralashdan keyin ma’lum bo‘ladi. Fikringiz qanday?
— Yaxshi raqiblar. Xudo xohlasa, guruhdan chiqib, chempion bo‘lishga harakat qilamiz. Qolgan guruhlarga qaraganda ham bizniki chakki emas. O‘tgan yilgiga qaraganda, biroz yengilroq desak bo‘ladi.

— Qur’adan oldin qanday guruhni kutgandingiz?
— Albatta, yaxshi, mana shunday guruhni kutgandim. To‘g‘ri, oson bo‘lmaydi. Lekin biz oxirigacha kurashamiz.

— Ilk bor Kubok finali “Bobur arena”da o‘tkaziladi. Buni kutganmidingiz?
— Kutgandim. Kubok finalini qabul qilish uchun uchta stadion nomi e’lon qilinganida Andijonda bo‘lishini kutgandim. Xudo xohlasa, o‘zimiz Kubok finalida o‘z uyimizda o‘ynashni va muxlislarimiz qarshisida muvaffaqiyat qozonishni niyat qilganmiz.

— Umuman olganda, Kubok finalini Andijonda o‘tishi haqidagi xabarni qanday qarshi oldingiz?
— Juda ijobiy. Stadionimiz ham yangi mavsum uchun ajoyib tarzda rekonstruksiya qilinyapti. Shunga yarasha Kubok finali “Bobur arena”da o‘tishi nihoyatda yaxshi bo‘ladi.

— «Andijon» amaldagi Kubok sohibi sifatida ishtirok etadi va final mezbonimiz. Bu omillar albatta qo‘shimcha motivasiya bersa kerak-a?
— Finalgacha borishga va O‘zbekiston Kubogini yutishga bor kuchimiz bilan harakat qilamiz. O‘tgan yilgidek muvaffaqiyatli qatnashish uchun hamma imkoniyatni ishga solamiz. Barcha o‘yinlarni yutish uchun chiqamiz.

— Tabiiyki, «Andijon» Kubok sohibi sifatida musobaqada qatnashishi bois boshqa raqiblar yanada jiddiy munosabatda bo‘ladilar. Bu qo‘shimcha qiyinchilik tug‘dirmaydimi?
— Jamoalar har xil bo‘lishi mumkin. Biroq biz o‘z maqsadimiz sari har bir o‘yinga jiddiy tayyorlanib, jiddiy munosabatda bo‘lamiz. O‘zimizga ham bog‘liq. Uchrashuvlarni yutib, finalgacha borish va g‘olib chiqish – bizning maqsadimiz. O‘z uyimizda muxlislarimiz oldida Kubokni qo‘lga kiritishimiz lozim. Kubok Andijonga keladi va buni o‘zimizda saqlab qolishimiz kerak.

— Yangi mavsum boshlanyapti. Ilk tur oldidan nima degan bo‘lardingiz?
— Xudo xohlasa, chempionatni g‘alaba bilan boshlab, ikkinchi turda uyimizda «Nasaf»ga qarshi o‘yinda muxlislarimiz stadionni to‘ldirishlarini xohlaymiz. Chempionatda o‘yinlar ko‘p. Ishqibozlarimizni xursand qilib, sovrindorlar qatoridan joy olishga bor kuchimiz bilan harakat qilamiz.

Manba: https://t.me/andijonpfc
Kiritildi: 21:55, 26.02.2025.
O'qildi: 918 marta.
Fikrlar: 2 ta.

Eng ko'p o'qilgan yangiliklar


Asosiy saxifa
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.
MyCounter - счётчик и статистика

Топ рейтинг www.uz