"Arsenal" bosh murabbiyi Mikel Arteta yozgi transfer oynasi uchun to‘rtta hujumchi ro‘yxatini shakllantirdi.
Yanvar oyida hujumchi bilan shartnoma imzolay olmagan "Arsenal" hujumchilar tarkibida jarohatlar muammosiga duch keldi va hozirda tayanch yarim himoyachi Mikel Merinoni hujum sifatida o‘ynatishga majbur.
Yozgi oynada hujumchi olib kelish "Arsenal" uchun ustuvor vazifa bo‘lib, Daily Mirror xabariga ko‘ra, Arteta allaqachon to‘rtta potensial yangi xaridlar ro‘yxatini tasdiqlagan.
Ro‘yxatda "Leypsig" hujumchisi Benjamin Sheshko, "Nyukasl" forvardi Aleksandr Isak, "Sporting" vakili Viktor Dyekeresh va "Aston Villa" a’zosi Olli Uotkinslar bor.
Isak va Uotkins Premyer-ligada tajribaga ega, ammo Aleksandr juda qimmatga tushadi va yanvar oyida "Arsenal" qiziqayotgan Uotkins esa 29 yoshda.













