"Арсенал" бош мураббийи Микель Артета ёзги трансфер ойнаси учун тўртта ҳужумчи рўйхатини шакллантирди.
Январь ойида ҳужумчи билан шартнома имзолай олмаган "Арсенал" ҳужумчилар таркибида жароҳатлар муаммосига дуч келди ва ҳозирда таянч ярим ҳимоячи Микель Меринони ҳужум сифатида ўйнатишга мажбур.
Ёзги ойнада ҳужумчи олиб келиш "Арсенал" учун устувор вазифа бўлиб, Daily Mirror хабарига кўра, Артета аллақачон тўртта потенциал янги харидлар рўйхатини тасдиқлаган.
Рўйхатда "Лейпциг" ҳужумчиси Бенжамин Шешко, "Ньюкасл" форварди Александр Исак, "Спортинг" вакили Виктор Дьекереш ва "Астон Вилла" аъзоси Олли Уоткинслар бор.
Исак ва Уоткинс Премьер-лигада тажрибага эга, аммо Александр жуда қимматга тушади ва январь ойида "Арсенал" қизиқаётган Уоткинс эса 29 ёшда.
