"Atalanta" jamoasi bosh murabbiyi Jan-Pyero Gasperini "Venesiya"ga qarshi o‘yinda ochko yo‘qotganidan keyin o‘z fikrlarini bildirib o‘tdi. Uchrashuv 0:0 hisobidagi durang bilan yakunlandi.
"Biz hujum zonasida yetarlicha bosim o‘tkaza olmadik. Tanaffusdan so‘ng, jamoa tezlikni oshirdi, ammo raqib himoyada yaxshi harakat qildi. Ularning o‘yinini ta’kidlamoqchiman, ular maksimal darajada diqqatni jamlashdi. Yaxshi futbol namoyish etgan bo‘lsak-da, bunday natijadan xafa bo‘ldik," - deya mutaxassisning so‘zlarini keltiradi Football Italia.
Bergamoliklar o‘tkazilgan 27 o‘yindan so‘ng 55 ochko jamg‘arib, Italiya chempionati turnir jadvalida uchinchi o‘rinni egallab turibdi.
