"Аталанта" жамоаси бош мураббийи Жан-Пьеро Гасперини "Венеция"га қарши ўйинда очко йўқотганидан кейин ўз фикрларини билдириб ўтди. Учрашув 0:0 ҳисобидаги дуранг билан якунланди.
"Биз ҳужум зонасида етарлича босим ўтказа олмадик. Танаффусдан сўнг, жамоа тезликни оширди, аммо рақиб ҳимояда яхши ҳаракат қилди. Уларнинг ўйинини таъкидламоқчиман, улар максимал даражада диққатни жамлашди. Яхши футбол намойиш этган бўлсак-да, бундай натижадан хафа бўлдик," - дея мутахассиснинг сўзларини келтиради Football Italia.
Бергамоликлар ўтказилган 27 ўйиндан сўнг 55 очко жамғариб, Италия чемпионати турнир жадвалида учинчи ўринни эгаллаб турибди.
