Ўзбекистон миллий терма жамоаси собиқ футболчиси Виталий Денисов Жаҳон чемпионати — 2026 гуруҳ босқичи доирасида Конго ДРга қарши бўлиб ўтадиган бўлажак учрашувда вакилларимизнинг имкониятлари қандай эканлиги ҳақида фикр билдирди.
«Асосий вазифа — ушбу ўйинда ғалаба қозониш. Энг яхши фазилатларимизни кўрсатишимиз керак. Ўзбекистоннинг Конго ДР билан баҳсда ғалаба қозониш учун имкониятлари яхши. Жамоа охиригача курашади», — дея Денисовнинг сўзларини Metaratings.ru нашри етказмоқда.
Ўзбекистон ва Конго ДР терма жамоалари ўртасидаги учрашув якшанба куни, 28 июнь куни бўлиб ўтади. Старт ҳуштаги Тошкент вақти билан соат 04:30 га режалаштирилган.
