2026 йилги Жаҳон чемпионати гуруҳ босқичининг навбатдаги ўйинлари якунланганидан сўнг, Норвегия терма жамоасининг 1/16 финалдаги рақиби аниқ бўлди. Жамоа Кот-д’Ивуар терма жамоасига қарши баҳс олиб боради.
Учрашув 30 июнь, сешанба куни бўлиб ўтади. Ўйин Тошкент вақти билан соат 22:00 да бошланади.
Норвегия терма жамоаси Франция, Сенегал ва Ироқ терма жамоалари ҳам жой олган «I» гуруҳида иккинчи ўринни эгаллаб, плей-оффга йўл олди. Норвегияликлар олти очко жамғаришди.
Кот-д’Ивуар эса, ўз навбатида, Германия, Эквадор ва Кюрасао терма жамоалари рақиблик қилган «E» гуруҳида иккинчи ўринни эгаллади. Африка жамоаси 6 очко тўплаб, плей-офф босқичига ишончли тарзда йўл олди.













