Эрон терма жамоаси сардори Меҳди Тареми жамоанинг ЖЧ-2026 даги қийинчиликлари ҳақида ўз ҳиссиётлари билан ўртоқлашди.
Эрон 3 та ўйинда 3 очко жамғариб, G гуруҳида 3-ўринда бормоқда. Базаси Мексикада жойлашган ва АҚШга фақат ўйинлар учун келадиган жамоада учинчи ўрин билан плей-оффга чиқиш имконияти ҳали ҳам сақланиб қолмоқда, бироқ бу бошқа ўйинларнинг натижаларига боғлиқ.
«Бизга энг бошиданоқ ҳар хил нарсалардан шикоят қилишга тўғри келмоқда. Бу Жаҳон чемпионати – ҳалокат. Шунчаки ҳалокат.
Профессионал спортчилар иштирок этадиган профессионал турнирда буларнинг барчаси нотўғри. Бу адолатдан эмас. Агар ФИФА учун бу нормал ҳолат бўлса – майли. Аммо бу адолатсизлик. Ким бизга ёрдам бермоқчи... Ҳеч ким ёрдам бермаяпти. Ҳеч ким.
Муаммони ким ҳал қилади? Ким? ФИФАми? Ёки, балки, АҚШми? Билмайман. Шунчаки менга битта ном айтинг.
Жанни Инфантино Янги Зеландияга қарши биринчи ўйиндан кейин кийиниш хонамизга кириб, барча муаммоларни ҳал қилишини айтганди, аммо аслида ФИФА ҳеч нарса қилмади», – деди Меҳди Тареми.
