Жаҳон чемпионати гуруҳ босқичининг навбатдаги ўйинлари якунланганидан сўнг, Франция терма жамоасининг 1/16 финалдаги рақиби аниқ бўлди. Жамоа Швеция терма жамоасига қарши баҳс олиб боради.
Учрашув 1 июль, чоршанба куни бўлиб ўтади. Ўйин Тошкент вақти билан соат 02:00 да бошланади.
Франция терма жамоаси 9 очко жамғариб, «I» гуруҳида биринчи ўрин билан плей-оффга йўл олди. Французлар гуруҳ босқичидаги барча ўйинларда ишончли ғалаба қозониб, Норвегия, Сенегал ва Ироқ терма жамоаларини ортда қолдиришди.
Швеция эса, ўз навбатида, Нидерландия, Япония ва Тунис терма жамоалари ҳам жой олган «F» гуруҳида учинчи ўринни эгаллади. Шведлар 4 очко тўплашди ва бу кўрсаткич энг яхши учинчи ўринни эгаллаган жамоалар қаторида плей-оффга чиқиш учун кифоя қилди.
