«Manchester Yunayted» 26 yoshli fransiyalik yarim himoyachi Orelyen Tchuameni uchun kurashni davom ettirmoqda. Bu haqda futbol insayderi Ben Jeykobs yozmoqda.
Jurnalistning ma’lumotlariga ko‘ra, futbolchining yuqori maoshi shu yozda amalga oshirilishi mumkin bo‘lgan transferni rasmiylashtirishda muammo tug‘dirmaydi. «MYU» Tchuamenini jamoadagi eng ko‘p maosh oluvchi futbolchilardan biriga aylantirishga tayyor.
Tchuameni 2022 yilda «Monako»dan «Real»ga o‘tgan edi. O‘tgan mavsumda u klub safida 49 ta o‘yin o‘tkazib, ikkita gol urdi va ikkita golli uzatmani amalga oshirdi.
