"Arsenal" amaldagi mehnat shartnomasi 2027 yilning yozigacha mo‘ljallangan 23 yoshli markaziy himoyachi Vilyam Saliba uchun yangi shartnoma tayyorlamoqda. Bu haqda «TBR Football» xabar bermoqda.

Manbaga ko‘ra, "Arsenal" fransiyalik futbolchiga Madridning "Real" klubi qiziqish bildirayotgan bir paytda uning yangi shartnomasi ustida ishlashni kuchaytirgan. "Kanonirlar" Salibani klubning eng ko‘p maosh oluvchi futbolchilaridan biriga aylantirishga tayyor. Ta’kidlanishicha, "Arsenal" 23 yoshli himoyachining maoshini haftasiga 250 ming funtgacha oshirishi mumkin.

Saliba 2019 yilning yozidan beri "kanonirlar" futbolchisi hisoblanadi. Bu davrda u barcha turnirlarda 119 ta o‘yinda maydonga tushib, yettita gol va ikkita golli uzatmani amalga oshirdi.