"Арсенал" амалдаги меҳнат шартномаси 2027 йилнинг ёзигача мўлжалланган 23 ёшли марказий ҳимоячи Вильям Салиба учун янги шартнома тайёрламоқда. Бу ҳақда «TBR Football» хабар бермоқда.
Манбага кўра, "Арсенал" франциялик футболчига Мадриднинг "Реал" клуби қизиқиш билдираётган бир пайтда унинг янги шартномаси устида ишлашни кучайтирган. "Канонирлар" Салибани клубнинг энг кўп маош олувчи футболчиларидан бирига айлантиришга тайёр. Таъкидланишича, "Арсенал" 23 ёшли ҳимоячининг маошини ҳафтасига 250 минг фунтгача ошириши мумкин.
Салиба 2019 йилнинг ёзидан бери "канонирлар" футболчиси ҳисобланади. Бу даврда у барча турнирларда 119 та ўйинда майдонга тушиб, еттита гол ва иккита голли узатмани амалга оширди.
