Rossiya terma jamoasining sobiq bosh murabbiyi Fabio Kapello fransiyalik yulduz hujumchi Kilian Mbappening Madridning “Real” klubiga moslashishi borasidagi fikrlari bilan o‘rtoqlashdi.

“Kilian ajoyib futbolchi. "Real" nima ekanligini tushunish uchun unga bir necha oy kerak bo‘ldi. Avvaliga ko‘pchilik uni tanqid qilishdi, ammo hozir Mbappedan ajoyib futbol ko‘ryapmiz", - deya italiyalik mutaxassisning so‘zlarini keltiradi AS.

26 yoshli fransiyalik hujumchi 2024 yilning yozida madridliklar safiga qo‘shilgandi. Ispaniya chempionatining joriy mavsumida Kilian 24 ta o‘yin o‘tkazib, 17 ta gol va 3 ta golli uzatmaga mualliflik qilgan.