Россия терма жамоасининг собиқ бош мураббийи Фабио Капелло франциялик юлдуз ҳужумчи Килиан Мбаппенинг Мадриднинг “Реал” клубига мослашиши борасидаги фикрлари билан ўртоқлашди.
“Килиан ажойиб футболчи. "Реал" нима эканлигини тушуниш учун унга бир неча ой керак бўлди. Аввалига кўпчилик уни танқид қилишди, аммо ҳозир Мбаппедан ажойиб футбол кўряпмиз", - дея италиялик мутахассиснинг сўзларини келтиради AS.
26 ёшли франциялик ҳужумчи 2024 йилнинг ёзида мадридликлар сафига қўшилганди. Испания чемпионатининг жорий мавсумида Килиан 24 та ўйин ўтказиб, 17 та гол ва 3 та голли узатмага муаллифлик қилган.
