"Milan"ning sobiq bosh murabbiyi, hozirda "An-Nasr"ni boshqarayotgan Stefano Pioli "rossonerilar"ning hozirgi holati haqida o‘z fikrlari bilan o‘rtoqlashdi.

Serxio Konseysau jamoasi Chempionlar ligasining pley-off bosqichida kutilmaganda “Feyenoord”dan mag‘lub bo‘ldi, A seriyada esa ketma-ket uchta mag‘lubiyatdan so‘ng bor-yo‘g‘i to‘qqizinchi o‘rinni egallab turibdi.

"Albatta, "Milan"dagi vaziyat meni xafa qiladi. Hozir men uzoqdaman, lekin sobiq futbolchilarim va muxlislarimga achinaman, chunki oldin "Milan"da sehrli va hayajonli voqea sodir bo‘lgandi.

Umid qilamanki, ular avvalgi kuchlarini tiklaydilar", - deya o‘tgan mavsum yakunlanganidan keyin "Milan"ni tark etgan Piolining so‘zlarini keltirmoqda Italiya OAV.