"Милан"нинг собиқ бош мураббийи, ҳозирда "Ан-Наср"ни бошқараётган Стефано Пиоли "россонерилар"нинг ҳозирги ҳолати ҳақида ўз фикрлари билан ўртоқлашди.
Серхио Консейсау жамоаси Чемпионлар лигасининг плей-офф босқичида кутилмаганда “Фейеноорд”дан мағлуб бўлди, А серияда эса кетма-кет учта мағлубиятдан сўнг бор-йўғи тўққизинчи ўринни эгаллаб турибди.
"Албатта, "Милан"даги вазият мени хафа қилади. Ҳозир мен узоқдаман, лекин собиқ футболчиларим ва мухлисларимга ачинаман, чунки олдин "Милан"да сеҳрли ва ҳаяжонли воқеа содир бўлганди.
Умид қиламанки, улар аввалги кучларини тиклайдилар", - дея ўтган мавсум якунланганидан кейин "Милан"ни тарк этган Пиолининг сўзларини келтирмоқда Италия ОАВ.
