"PSJ"ning Yozua Kimmixga taklifi tafsilotlari ma’lum bo‘ldi.

Parij klubi "Bavariya"ning 30 yoshli germaniyalik yarim himoyachisiga yozgi transfer oynasida erkin agent sifatida ko‘chib o‘tishni taklif qilgani haqida xabarlar tarqalgan edi.

Florian Plettenbergning so‘zlariga ko‘ra, gap "top-kontrakt" haqida ketmoqda. Kelishuv 2029 yilning yoziga qadar mo‘ljallangan. Biroq, Yozua hali "Pari Sen-Jermen" taklifini qabul qilmadi, lekin rad ham etmadi.

Shu bilan birga, so‘nggi 48 soat ichida futbolchi va "Bavariya" sport direktori Maks Eberl o‘rtasida ijobiy suhbatlar bo‘lib o‘tdi va xavbek yana shartnomani uzaytirishga tayyorligini bildirdi. Yangi muzokaralar payshanba kuni boshlanishi kerak.

Kimmix joriy mavsum Bundesligada 23 ta o‘yinda maydonga tushdi va 1 ta gol hamda 5 ta golli uzatmaga mualliflik qildi.