"ПСЖ"нинг Йозуа Киммихга таклифи тафсилотлари маълум бўлди.
Париж клуби "Бавария"нинг 30 ёшли германиялик ярим ҳимоячисига ёзги трансфер ойнасида эркин агент сифатида кўчиб ўтишни таклиф қилгани ҳақида хабарлар тарқалган эди.
Флориан Плеттенбергнинг сўзларига кўра, гап "топ-контракт" ҳақида кетмоқда. Келишув 2029 йилнинг ёзига қадар мўлжалланган. Бироқ, Йозуа ҳали "Пари Сен-Жермен" таклифини қабул қилмади, лекин рад ҳам этмади.
Шу билан бирга, сўнгги 48 соат ичида футболчи ва "Бавария" спорт директори Макс Эберль ўртасида ижобий суҳбатлар бўлиб ўтди ва хавбек яна шартномани узайтиришга тайёрлигини билдирди. Янги музокаралар пайшанба куни бошланиши керак.
Киммих жорий мавсум Бундеслигада 23 та ўйинда майдонга тушди ва 1 та гол ҳамда 5 та голли узатмага муаллифлик қилди.
